Refugium Upernavik

Illoqarfitoqqami illutoqqat iluarsaanneqarnerinut atatillugu kommunalbestyrelsip aalajangerpaa napparsivikoq eqqumiitsuliortut inissaattut aaqqissuunneqassasoq. Illu taanna 1848-mi napparneqaqqaarmat sulliviusarsimavoq: 1800-kkunni nappaja napparsisarpoq puisit arferillu orsuisa puussaannik assartorneqartussanik. Tamatuma kingornatigut iffiorfinngorpoq tassani illinnartuliat naammassineqartarlutik.

Illu taanna suliarineqareermat illup silataa nikisinnagu qalia inngigissoq immikkuullarissuulluni suli napavoq, Illup uilua nutarpasissuliaralugu najugassiaralugu sanaajuvoq: Ini ataaseq, sinittarfik ataaseq, iggavik, uffarfik/anartarfik. Illu inummut ataatsimut marlunnulluunniit naleqquppoq ilisarisimagaannilu arlariittoqarsinnaavoq. Una isumaavoq eqqumiitsuliortut najugassiami toqqissisimanartumi najugaqarnissaat pitsaanerpaamik eqqumiitsuliornissamut atuakkiornissamulluunniit periarfissikkumallugit.

Upernavik kommunimi illoqarfittut qitiuvoq nunaqarfeqarluni anginernik mikinernillu isikkanillinik. Komunnip innuttai 1980-kkut tikillugit piniarnermik inuussutissarsiuteqarput. 1980-kkut ingerlaneranni tamanna allanngorpoq qaleralinnik inuutissarsiuteqalernerup malitsigisaanik atugarissaarneq malunnarluni. Upernaviup Illoqarfiani najugassiaq tassaniimmat piniartuunermit aalisartuunermut ikaarsaariarneq suli takuneqarsinnaavoq. Qimmit qamuteralaallu tamarmik immikkut pitsaaquteqarlutillu ajoquteqarput tamarmillu qangatut qamutit puisinik qaleralinnilluunniit usillit uniartarpaat. Illoqarfimmi najukkat aamma takutippaat piffiit assiigiinngitsut illut angissusiisigut pigissaarnikkullu piumasaqaatit assigiinngittuuneri.

Assigiinngitsorpassuartigut pisoqqat nutaallu immikkoorutaat takuneqarsinnaapput taamatuttaaq pinngortitami immikkuullarissut takuneqarsinnaapput: iluliarsuit qaqqorissut nuna qasertoq-qernertoq immamullu isikkivigilluni.

Naasoqassuseqarpianngilaq, nunalu isiginnaarlualeriaraanni qalipaait assigiinngitsuusut malugineqarsinnaavoq. Ukiullu ingerlanerani avannaarsuani issittumi immikkoorutit annersaat unaavoq; aasami seqineq kaaviinnalertarpoq taarsissaarluni inuillu ulloq unnuarlu najoqqutarivallaarnagit inuulersarlutik. Inuppassuit aasami mumittarput tamanna akornutaaneq ajorpoq pisiniarfiup matunnginnerani pisiniarfilerereersimagaanni. Aasap akerlianik kaperlak kujataamiunut atornartutut nanertisimanartutullu takorloorneqartarpoq. Sungiuteriaraanni piffiuvoq eqqissisimanartoq piffissaqarfigisimanngisaraluanik sammisaqarfiulluartoq. Qaammat sikusiorluni iluaqutaalluartuuvoq Avannaarsuatalu unnuaani ulloriarpassuit kusanaqalutk uisalasarput.